Ukuqinisa Imindeni Nobudlelwano

Ubudlelwano obunempilo buyisisekelo semindeni eqinile nemiphakathi echumayo. Iqaphela lokhu, uMnyango Wezokuthuthukiswa Komphakathi (Department of Social Development, i-DSD) yethule amacebo amaningana okusekela imindeni, ukuqinisa ubudlelwano nokunikeza usizo kubazali abangabodwa.

Izinhlelo Zemindeni Ezisekelwa Uhulumeni

I-DSD inikeza izinsizakalo zokweluleka mahhala nezixhaswe ngemali, imihlangano yokucobelelana ngolwazi kubazali/yabazali, nezinhlelo zemfundo yezobudlelwano. Lezi zinyathelo zihlose ukuhlomisa imindeni ngamathuluzi okubhekana nezinselele ezinjengokucindezeleka ngokwezimali, izingxabano zobuzali/zabazali, nenhlalakahle engokomzwelo.

Imihlangano yokucobelelana ngolwazi yabazali– Amaseshini aphathelene nokuthuthukiswa kwezingane, ukukhulumisana, namasu okuyala izingane.

Ukwelulekwa Ngezongobudlelwano – Izinsizakalo zamahhala zabantu abashadile nemindeni ebhekene nobunzima.

Amaqembu Okusekela Abazali Abangabodwa – Izindawo zokukhulumisana eziqhutshwa ontanga ukuze kwabelwane ngokokuzithokozisa futhi bathole ukusekelwa.

Izinyathelo Eziqhutshwa Umphakathi

Ama-NGO amaningana endawo nawo anikeza ukweseka okubalulekile:

I-LoveLife SA – Inikeza izinhlelo zokufundisa ngokuqeqesha intsha.

Inethiwekhi Yokusekela Imindeni yase-SA – Inikeza izinsizakalo zokulamula kumalungiselelo okubambisana ngobuzali. 

Kulabo abadinga usizo, i-GBV Command Centre (0800 428 428) inikeza ukwelulekwa kwamahhala nokudluliselwa.

Ngokusebenzisa lezi zinsiza, imindeni ingakha ubudlelwano obuqinile nobunempilo obuzuzisa kokubili abantu ngabanye kanye nomphakathi uwonke.

Emergency contact numbers:

GBV Command Centre: 0800 428 428 / 1207867 - from any cellphone

People with disabilities: SMS ‘help’ to 31531

Childline: 0800 055 555

South African Police Service (SAPS) Crime Stop: 08600 10111 / SMS Crime Line: 32211

National AIDS Helpline: 0800 012 322

National Human Trafficking Helpline: 0800 222 777

Stop Gender Violence: 0800 150 150

Suicide Helpline: 0800 567 567

South African School Calender 2025

Term 1: 15 January to 28 March

Term 2: 8 April to 27 June

Term 3: 22 July to 3 October

Term 4: 13 October to 10 December

Sources: Department of Social Development, LoveLife SA