Amazwi Esizukulwane Esisha: Intsha Ihola Ushintsho eMzansi

NgoNhlangulana (June),  sigubha iNyanga Yentsha. Yisikhathi sokuhlonipha isibindi soVukelombuso lwaseSoweto luka-1976 nokugubha ukumelana nokukwazi ukusungula okusha kwentsha yanamuhla. Ngomhla ziyi-16 kuNhlangulana, uSuku Lentsha lukhumbula abafundi ababebhikishela ukubekwa kombuso wobandlululo wokuphoqa isiBhunu kubafundi njengendlela yokufundisa ezikoleni. Ubuqhawe babo bashukumisa inhlangano yezwe lonke okwaba yinkathi yenguquko emzabalazweni wenkululeko.

Cishe ngemumva kweminyaka engamashumini amahlanu, isizukulwane esisha sentsha yaseNingizimu Afrika siqhubezela phambili lelo fa ngentshisekelo yobushoshovu, ukuba ngosomabhizinisi kanye nokuqhamuka namasu amasha ezemfundo.

Intshisekelo yobushoshovu: ukuvikela ikusasa

Intsha esemikhakheni yezemvelo ezweni lonke ihola inguquko yokubhekana nesimo sezulu. Ngemikhankaso eyisisekelo, ukushumayeza ngokusetshenziswa kwezobucwepheshe, nemikhankaso yokuhlanza emphakathini, bakhulisa ukuqwashisa ngezinkinga zemvelo nokuqhubeza izinqubo ezizinzile. Imizamo yab oiyasiza ekubeni nezwi kunqubomgomo nasekukhuthazeni isiko lokunakekela imvelo.

Ezamabhizinisi Ukusungula okusha ukuze kube nomthelela

Lapho kubhekenwe nezinselele zezomnotho, osomabhizinisi abasebasha bazisungulela amathuba abo kanye nemiphakathi yabo. Ngokusungula izinkampani zokuqala ezisingatha izidingo zendawo, ezisukela ezixazululweni zobuchwepheshe kuya emabhizinisini omphakathi, baqhuba ukukhula kwezomnotho futhi bakhuthaza ukusungula izinto ezintsha. La mabhizinisi awanikezi umsebenzi kuphela kodwa futhi ayingxenye ekuthuthukiseni umnotho ongabandlululi.

Imfundo: Ukuvala igebe

Beqaphela umehluko ekufinyeleleni emfundweni emfundweni yeqophelo, intsha yaseNingizimu Afrika isungula izinkundla kanye nezinhlelo zokuvala igebe. Kusukela kuzinkonzo zokufundisa ku-inthanethi kuya kumaqhingasu okufunda omphakathi, basebenzisa ubuchwepheshe nokubambisana ukuze benze imfundo ifinyeleleke kakhudlwana futhi ilingane. Ukuzibophezela kwabo ekufundeni nasekunikezeni amandla kwakha/kudala isizukulwane esinolwazi futhi esinekhono.

Isizukulwane esenza inguquko

Intsha yaseMzansi ayibona nje abaholi bakusasa, iyona eyenza ushintsho lwanamuhla. Ukuzinikela kwabo ezindabeni zezenhlalo, ezemvelo, nezomnotho kubonisa ukuzibophezela okujulile ekwakheni iNingizimu Afrika engcono. Njengoba sigubha iNyanga Yentsha, masigubhe impumelelo yabo futhi sisekele imizamo yabo yokusungula ikusasa elinobulungisa nelilondolozekayo.